Байрам муборак, азиз устозлар!
Ўқитувчи боғбонга ўхшайди. У тарбиялаб ўстирган ниҳолларининг ҳосили қанчадан қанча авлодларни баҳраманд қилади. Ўқитувчи ва мураббийларнинг масъулиятли, аммо шарафли касбларини машъалага қиёс этиш мумкин.
Ҳаётнинг гўзаллиги, фаравонлиги, одоблиги қолаверса истиқлолимизнинг равнақи муаллим меҳнати биландир. Ўз даврининг машҳур педагоги Абдулла Авлоний “Ҳар бир миллатнинг саодати, давлатларнинг тинчи ва роҳати ёшларнинг ёшларнинг яхши тарбиясига боғлиқдир” деб ёзади.
Устозни улуғлигини отага тенглаштириб, "устоз отангдек улуғ” дейишади. Бу сўзда чуқур маъно ётади. Ота-она фарзандни вояга етказса ўқитувчи униб-ўсиши, ҳаётда ўз ўрнини топишга, камолотга етишишга, илм ва марифат чўққиларини забт этишга кўмаклашади.
Улар ютуқларимизни кўриб доимо қувонишади. Мувафаққиятсизликка учраганимизда ғам- андуҳ чексаларда, яна бизга далда берадилар.
Ҳар йили юртимиз бўйлаб 1- октябрь устоз ва мураббийлар куни кенг нишонланади. Бу йил ҳам байрам тантаналари юқори кайфиятда ўтмоқда. Устоз ва мураббийлар кунига бағишланган ана шундай тадбирлардан бири Туркистон санъат саройида бўлиб ўтди.
Мазкур давлат тадбири давомида устоз ва мураббийларга эҳтиром кўрсатилди ва шу билан бирга тақдирлаш маросими ҳам ўтказилди. Ушбу тадбирда бир қатор хонандалар иштирок этиб, ўзининг дилтортар тароналари билан ташриф буюурган устозларни айём билан самимий қутлашди.