Мафтункор Шаҳзодадан супер премьера

Эстрадамизнинг ёрқин юлдузи, энг мафтункор табассум эгаси бўлган Шаҳзода ўзининг “Дунё” деб номланган композициясини халқимиз ҳукмига ҳавола этди. Серқирра ва истеъдодли ижодкорлар Сарвар ва Комил билан ҳамкорликда яратилган ушбу мусиқий асар хонанданинг мухлислари учун олтин куз фаслида тақдим этишни режалаштирган олтин хитларнинг кетма-кетлигига эшик очди десак муболаға бўлмайди. Сабаби Шаҳзода бир нечта янги ғоялар устида ижодий жамоаси билан биргаликда иш олиб бормоқда. Қолаверса тез кунда телеэкранлар юзини кўрадиган катта ҳажмдаги “Меҳмонхона” телесериали учун куйланган саундтрек тез кунда тақдим этилади. Шундай экан,бизни кузатишда давом этинг ва севимли хонандангиз ижодидаги сўнгги янгиликлардан хабардор бўлинг.