Мафтункор Шаҳзодадан янги тарона премьераси
Бугунги кунда тобора халқимизнинг олқишига сазовор бўлиб, нафақат юртимиздаги, балки хориждаги ижодкорлар ҳамда мухлисларнинг диққат марказида бўлган мафтункор Шаҳзоданинг ижодий янгиликлари хақида куни кеча сайтимиз орқали маълумот берган эдик.
Хабарда маълум қилганимиздек, хонанда ўз мухлисларига “Самолёт” деб номланган композициясини тақдим этди. Тарона муаллифларига тўхталадиган бўлсак, Сўзи Комил Фозиловга, мусиқаси Сарвар Азимовга тегишли.
Шуни алоҳида таъкидлаб ўтиш жоизки, Шаҳзода ижросидаги “Самолёт" таронаси илк бор унинг яккаҳон концерт дастурида жаранг сочган эди ва ўз мухлисларини топган. Ҳар бир қўшиғи ва видеоклипига алоҳида ёндошиб, бир-бирини такрорламайдиган ижод маҳсулларини мухлисларига тақдим этиб келаётган Шаҳзоданинг “Самолёт” таронаси ҳам халқимизга манзур келиши аниқ. Марҳамат композицияни ўзингиз тинглаб баҳо беринг ҳамда фикр-мулоҳазаларингизни билдиринг.