Канизадан сокин тарона тез кунда
Айни дамда шахсий ҳаётида янгилик рўй бериши кутилаётган хонанда Каниза ижоддан бир зум тингани йўқ.
Шоу бизнес оламида ўз йўли ва йўналишига эга бўлган, хушовоз ва жозибакор ижодкор янги ғоялар устида иш олиб бормоқда. Хонанданинг маълум қилишича, ҳозирги кунда сокин тарона яратилмоқда. “Бу қўшиқ шундай тарона бўладики, бутун юртимиз аҳлини, қолаверса, бошқа давлатдаги мухлисларимиз юрагидан чуқур жой эгаллайди. Тинглаганда қалбини ўзгача ҳис қамраб олиб, тингловчининг эти жимирлайдиган даражадаги бу мусиқий асарга видеоклип суратга олиш режалаштирилган. Шунингдек, ҳеч ким кўтармаган мавзуни кўтармоқдамиз. Ўйлайманки, бу халқимиз учун кутилмаган янгилик бўла олади. ” – дейди ижодий янгиликларини биз билан бўлишган Каниза сайтимизга берган маълумотларига қўшимча қилиб.
Бу ҳали ҳаммаси эмас. Унинг шу кунга қадар яратган образларидан ўзгача қирраларини кашф қилган режиссёрлар янги фильмларга таклиф қилишмоқда. Картина сценарийси хонандага маъқул келган ва албатта портнёрига қараб фильмда роль ижро этиш ёки ижро этмаслигини маълум қилади. Бундан кўриниб турибдики, Канизани олдинда янгидан янги ижодий ишлар кутмоқда. Ҳозирча тарона ва картина номи сир тутилмоқдаю тез кунда сайтимиз орқали бу сирдан воқиф бўласиз. Шундай экан бизни кузатишда давом этинг.
