Тез кунда Мавлуда Асалхўжаевадан "Олов-олов"

Ўзбекистонда хизмат кўрсатган артист Мавлуда Асалхўжаева куни кеча ўзининг янги таронаси учун видеоклип суратга олдирди. Ҳар доим клипларида ранг-барангликка эътибор берадиган хонанда бу сафар клипмейкерлар Ҳасан ва Хусан Отабоевларга мурожаат этди.

Тарона "Олов-олов" деб номланган бўлиб, унинг сўзи истеъдодли ижодкор Баҳодир Низомов томонидан ёзилган. Мусиқа ва аранжировка эса Умид Обидовга тегишли. Қўшиқ учун таниқли дизайнерлар билан ҳамкорлик қилган Мавлуда Асалхўжаева учун бир нечта либослар тайёрланди. "Олов-олов" композицияси учун трек йўналишида видео тасвирга олинган ва айни дамда эътиборингизга суратга олиш мадончасидан фоторепортаж ҳавола этамиз. Тез кунларда эса видеомаҳсулот премьерасига гувоҳ бўласиз.