''Парами'' Шаҳриёрдан навбатдаги туҳфа
Ёшларнинг севимли хонандаси, реп йўналишидаги қўшиқлари билан кўплаб муҳлислар орттирган Шаҳриёр бугун навбатдаги таронасига ишланган видеоклипини сайтимиз орқали премьера этмоқда.Ўз йўналишида профессионал даражада ижод қилувчи хонанда яқин кунларда навбатдаги альбоми тақдимотини ўтказиш арафасида.
Бугун премьера этилаётган видеоклип рус тилида ижро этилган ''Парами'' деб номланган композиция учун яратилган бўлиб, мазкур таронани Шаҳриёр ёш ижодкорлар билан бирга ижро этган. Мазкур таронанинг сўзини хонанданинг ўзи ёзган, аранжировка эса Костя таҳаллусли ижодкорга тегишли. Видеоклип Рустам Мелиев режиссёрлигида тасвирга олинган.
Куз ойларида ўзининг катта яккаҳон концерт дастурини тақдим этишни ният қилган хонанда муҳлислари учун кутилмаган совғалар тайёрламоқда. Йилнинг энг ёдда қоларли шоуларидан бирига айланиши кутилаётган дастурда хонанда барча муҳлисларини кутиб қолади. Ҳозир эса Шаҳриёрнинг янги видеоклипини қарши олинг.