Бобур Собировдан янги тарона кексаларни эъзозлаш йилига бағишланади

Эстрадамизнинг ёрқин намоёндаларидан бири, хушовоз хонанда Бобур Собиров Хоразм вилояти, Урганч шахрида концерт дастурини тақдим этди. Концерт давомида мухлислар билан алоҳида учрашувлар ҳам ўтказилди. Мазкур концерт баҳонасида хонанда ўзининг янги  “Қариси бор уйнинг - париси бор” қўшиғига видеоклип суратга олди.

 

Даврон Собиров режиссёрлигида суратга олинган видеомаҳсулотда 120 дан ортиқ ижодкорлар, актёрлар, Ўзбекистонда хизмат кўрсатган артист Гавхар Матёқубова бошчилигидаги Хоразм рақс ансамбли раққосалари иштирок этишди. Тарона “Кексаларни эъзозлаш йили”га бағишлаб яратилган бўлиб, тез кунда мухлислар эътиборига ҳавола этилади.