Мухлисбек Қурбоновдан “Гулижон” клип премьераси

Ёш бўлса-да, ўз истеъдодини намоён этиб, бир қатор мухлисларга эришиб бораётган хонанда Мухлисбек Қурбонов, вилоятларда ўзининг яккахон концерт дастурларини ҳам тақдим этишга улгурди.Сайтимиз орқали сизга ҳавола этилаётган видеоклип орқали хонанданинг ижодига баҳо берасиз. Бугунги кундаги истеъдодли ижодкорлар билан ҳамкорлик қилаётган Мухлисбекнинг янги қўшиғи Исомиддин Нур сўзи ва мусиқаси асосида яратилган бўлиб, Аҳлиёр Азимов унга мусиқий сайқал берган.

“Гулижон” деб номланган мазкур тарона учун клипмейкер Икром Али бошчилигида видео суратга олинган ва уни сайтимиз орқали томоша қилишингиз мумкин. Гўзал табиат қўйнида тасвирга олинган видеоклип қалбларга ҳушнудлик бағишлайди. Марҳамат томоша қилиб, баҳраманд бўлинг.