''Болажонлар-Ширинтойлар'' болалар мода фестивали тафсилотлари
3 июнь куни Ёшлар маданият ва санъат марказида ''Болажонлар-Ширинтойлар'' болалар мода фестивали бўлиб ўтди. Ўзбекистон Республикаси ''Осиё рамзи'' дизайнерлар уюшмаси, Маданият ва спорт ишлари вазирлиги, Олий ва ўрта маҳсус таълим вазирлиги ҳамкорлигида ташкил этилган фестиваль кўтаринки кайфиятда бўлиб ўтди.
Мазкур фестиваль, биринчи навбатда, тарбиявий аҳамиятга эга бўлиб, болалар, ёшлар ҳамда ота-оналарни дидини шакллантиришга, миллий анъана ва қадриятлар орқали Ўзбекистон санъати ва маданияти соҳасидаги билимларни кенгайтиришга, кийим ва кийиниш маданияти, эстетик тарбия, менталитет ва худудимизнинг иқлим шароитини ўзига ҳослигини эътиборга олишга имкон яратади.
Дизайнерлар томонидан ишлаб чиқилган тўпламларни ''Томоша'' ва ''Тантана'' болалар ижодий гурухлари ҳамда ''Колибри'' арт бюроси иштирокчилари ёш модель сифатида либосларни намойиш этдилар.
''Болажонлар-Ширинтойлар'' болалар мода фестивали - дизайнерлар танлови бўлиб, уч босқичда ўтказилди. Танловнинг биринчи босқичи 2014 йилнинг сентябрь ойида булиб утган. Унда 85 нафар дизайнерлар иштирок этиб, улардан маълум номинациялар бўйича либос тўпламлари эскизлари саралаб олинганди. Иккинчи босқич 2015 йил январь ойида ўтказилиб, унда буюмнинг конструкциясига, одам қоматига ўрнашуви ва технологик ишлов берилишига эътибор берилди. Учинчи босқичда кенг қамровли ишларнинг натижаси финалга 28 нафар дизайнер томонидан ишлаб чиқилган 21 тўплам саралаб олинди.
Булиб утган фестивалда
- Pret-a-porter
- миллий услуб
- байрамона кийим
- спорт услуби
- бўлажак оналар учун либослар намойиш этилди.
Фестиваль сўнгида хайъат аъзолари томонидан 21 нафар дизайнерлар сертификат ва дипломлар билан тақдирландилар.
Фотолар муаллифи Жахонгир Одилжоновга ўз миннатдорчилигимизни билдирамиз