“Мезон” гуруҳидан “Бахтли бўл” клип премьераси

Эстрадада ижод қилётган гуруҳлар бир нечтани ташкил этади. Улар бир-биридан репертуари ва ижодий йўналишлари билан фарқ қилса-да, барчаси яратаётган ҳар бир тароналари мухлисларига манзур келишини, халқ меҳрини қозонишни исташади.Сайтимиз орқали бугун “Мезон” гуруҳининг навбатдаги ижод намунасининг илк томошабинларидан бири бўласиз. “Бахтли бўл” деб номланган таронага ишланган мазкур клип Мансур МS томонидан суратга олинган. 

Ажойиб сюжетни ўз ичига олган видеомаҳсулот янги ҳаётга қадам қўяётган икки ёшга бахт-саодат тилаб, уларнинг никоҳ тўйи муносабати билан муборакбод этиб куйланган таронага мос равишда яратилган.  

“Бахтли бўл” композициясининг шеъри Камрон, мусиқаси эса Насрулло Маматханов томонидан яратилган. “Мезон” гуруҳи яна бир лойиҳа устида иш бошлашган. Айни кунда “Юрагим” номли янги тарона тайёрланиб, тайёр ҳолга келгач, албатта премьера тарзида сайтимиз орқали тақдим этиш ниятидалар.

Марҳамат “Мезон” гуруҳидан янги клипни томоша қилинг.