"Светофор" мусиқий эртаги намойиши бошланди
Тошкент Давлат мусиқали комедия (оперетта) театрида жажжи болалар ва уларнинг ота-оналари учун қизиқарли эртак-спектакль намойиши бошланди. "Светофор" номли мусиқий эртакнинг постановкачи режиссёри ва қўшиқлар матни муаллифи Руслан Шерездановдир.
Жажжи болалар учун қизиқарли тарзда саҳналаштирилган эртак тарбиявий аҳамиятга эга бўлиб, воқеалар кичик 3 қаватли уй жойлашган чорраҳада содир бўлади.
3 қаватли уйда эса 3 нафар ака-ука - Қизил, Сариқ, Яшил истиқомат қиладилар. Мазкур уй ёнидаги чорраҳада ҳар сафар йўл қоидаларини бузадиган болакай эса яна бир асосий қаҳрамонлардан бирини ижро этади. Уч нафар ака-ука ранглар унга йўл ҳаракати қоидаларини ўргатишади.
Ҳатто бир сафар Светофор ака-укалар болакайни ноҳуш ҳодисадан қутқариб қолишади. Бу саҳна ёрқин ранглар, қизиқарли диалоглар, қувноқ қўшиқлар орқали болаларга намойиш этилгани уларга завқ бағишлади.
Мазкур мусиқий эртак постановкачи рассоми Наталья Глубокина. Костюмлар бўйича Заҳро Қосимова ишлаган. Балетмейстер - Валентина Ульянова.
Бундай қизиқарли эртакни ташкил этиш, мусиқий спектаклнинг бадиий раҳбари, театрнинг бош рассоми Сергей Каприелов бўлиб, эртакни томоша қилишга келган болаларнинг ота-оналари ижодкорларга алоҳида миннатдорчиликларини изҳор қилишди.
