“Аёл кулса” шоусида футбол мавзусидаги хангомалар...

Кўпчиликка манзур келган “Ladies show” телелойиҳаси кутилмаган янгилик сифатида кенг сонли мухлисларга эга бўлиб, у эндиликда “Аёл кулса” номи остида тақдим этилиши ҳақида хабар берган эдик. Катта тайёргарликлар билан бошланган ва кўпчиликнинг қизиқишларига сабаб бўлган шоу дастур томошабинлар эътиборига ҳавола этилди. 

 

 

Айтиб ўтишимиз лозим, янги таркибда хонанда ва актриса қизлардан Умидахон, Каниза, Мадина Мумтоз, Ойхон Ифорзода, Феруза Норматова, Нигина Анорбоева, Саида, Феруза Мустафаева, Нигора ҳамда Замира Бешимовалар иштирок этиб,  бир-биридан қизиқарли ҳазил ва хангомалари билан саҳна кўринишлари намойиш этишди.

 

 

 

Миллионлар ўйини, дея эътироф этилган бўлса-да, аслида нафақат эркаклар, балки кўпчилик аёлларни ҳам ўзига жалб этадиган спорт тури бўлмиш футбол мавзусидаги хангомалар “Аёл кулса” лойиҳаси ижодкорлари томонидан суратга олиниб, шоу дастур аввалида томошабинларга намойиш этилди.

 

 

Мазкур видеороликни бугун сайтимиз орқали сизга ҳавола этиш истагидамиз. Яқин кунларда эса “Аёл кулса” шоу дастурининг тўлиқ видеоверсиясини ҳам айнан бизнинг сайтимиз орқали томоша қилиш имконига эга бўласиз. Кузатиб боринг ва ўтказиб юборманг.