“Севги фариштаси” Гули Асалхўжаева ва Мурод Манзур ижросида
Ёқимли овози ва кайфиятни кўтарувчи қўшиқлари билан эл назарига тушган, замонавий эстрада қўшиқлари билан бирга мумтоз тароналарни ҳам маромига етказиб ижро этувчи хонанда Гули Асалхўжаева навбатдаги дуэт таронасини кенг омма ҳукмига ҳавола этди.“Ўзбегим таронаси” радиоси орқали илк бор янграган мазкур дуэт тарона “Севги фариштаси” деб номланади. Дуэтдош эса бир қатор хит қўшиқларнинг мусиқаси муаллифи, истеъдодли ижодкор Мурод Манзур.
Бу ижодкор билан Гули Асалхўжаева бир нечта қўшиқларини ҳамкорликда яратган ва янги таронани биргаликда дуэт тарзида ижро этишни мақсад қилишган. Қўшиқнинг матни Нурбекка тегишли бўлиб, мусиқасини Мурод Манзурнинг ўзи басталаган.
Ёшларбоп, романтик руҳда яратилган таронага баҳорий кайфият берувчи кадрлардан иборат видеомаҳсулот Ҳасан ва Ҳусан Отабоевлар томонидан яратилди. Тасвирга олиш ишлари совуқ кунларга тўғри келган бўлса-да, хонандалар ва ижодий гуруҳ бир жамоа бўлиб ишлашди ва олдиларига қўйган мақсадга эришишди.
Марҳамат, янги видеоклипни томоша қилинг ва фикрларингизни билдиринг.