Лола ва Райҳоннинг шов-шувларга сабаб бўлган қўшиғига клип суратга олинди

Эстрадамизнинг икки латофатли ва маҳоратли ижодкорлари Лола ва Райҳон томонидан куйланган дуэтшу вақтгача хит даражасига кўтарилишга улгурди. Бугун "Кўникмадим" номли дуэт учун клип тасвирга олиш ишлари якунига етди. 

Муҳаббатнинг изтиробли ҳисларини акс эттирувчи бу дуэт ўзига хос тарзда куйлангани билан кўпчиликнинг қалбидан жой олган. Видеоклип ҳам ана шундай тарзда муваффақият қозониши шубҳасиз.

Ижодкорлар бу сафар маҳоратли клипмейкер Жасур Шаметов билан ҳамкорлик қилишди. Трек йўналишида тасвирга олинган клипнинг бош режиссёри ҳам айнан унинг ўзидир. 

Суратга олиш ишлари 2 кун давом этди. Биринчи кун "Ботаника боғи"да тасвирга олинди. Видеода Райҳон ва Лола турли образларда намоён бўлишади. Яқин кунларда тайёр ҳолатда тақдим этилиши кутилаётган видеоклипнинг суратга олиш жараёнидан олинган фотосуратлардан баҳраманд бўлинг!