Баҳриддин Зухриддинов эртак қаҳрамонларидан илҳом олмоқда?!
Хонандаларнинг аксарияти қизларнинг турли исмларига атаб қўшиқ куйлаши одатга айланиб қолди. Лайло, Лола, хатто Жумагул ҳақидаги қўшиқлар ҳам хит бўлди. Аммо, хонанда Баҳриддин Зуҳриддинов кўпчиликдан фарқли равишда эртак қаҳрамонларидан бири бўлмиш Қизил шапкачага бағишланган тарона яратди.
Янги қўшиқнинг матни ва мусиқаси муаллифи Исомиддин Нур бўлиб, Аҳлиёр Азимов эса мусиқий сайқал берган.
Бугун эътиборингизга ҳавола этилаётган видеоклип мазкур қўшиқ учун яратилган бўлиб, унга Шуҳрат Мавлонов режиссёрлик қилган. “Қизил шапкача” эртаги асосида суратга олинган видеоклипда бош қаҳрамонни Луиза Расулова талқин этган.
Шунингдек Санжар Шодиев, Муҳаммад Бобожонов каби актёрлар ҳам иштирок этишган. Антиқа декорациялар ва махсус костюмлар яратилиб, эртакнамо тарзда суратга олинган видеомаҳсулотни томоша қилиб, баҳра олинг.