"Айём" ансамблидан ваъда қилинган таронани қарши олинг!
"Айём" вокал чолғу ансамбли бугунги кунда тинимсиз ижод билан банд эканликларини маълум қилишганди. Кетма-кет яратилаётган қўшиқлар эса халқимизга тақдим этилиб, ўз мухлисини топаётгани гуруҳнинг ютуғидир.
Ижодкорлар анчадан буён мухлислар учун катта туҳфа тайёрлаганликлари ҳақида хабар бериб, янги ижод намунаси аввалги қўшиқларидан фарқ қилишини алоҳида таъкидлашганди. Бугун ана шу меҳнат самарасига баҳо бериш фурсати етди.
"Сароб" дея ном олган тарона ижодкорларнинг биргаликдаги тинимсиз меҳнат натижаси бўлиб, қўшиқнинг матни Қобил Бойчаевга тегишли. Мусиқа ва арангжировка муаллифи эса Даниэлдир.
Янги қўшиқ "Ўзбегим таронаси" радиоси орқали илк бора жаранг сочди. Ўз мухлисларига эга бўлишга улгурган гуруҳнинг янги қўшиғи эса кўпчилликка маъқул келганини уларнинг фикрларидан билиш мумкин эди. "Сароб" қўшиғини сайтимиз орқали тинглаб, сиз ҳам ўз фикрларингизни қолдиришингиз мумкин.