Мадина Мумтознинг “Болажон” номли илк концерт дастури хонанданинг мухлислари учун туҳфа

Ҳам актриса, ҳам хонанда сифатида танилган Мадина Мумтоз турмушга чиқиб, фарзандли бўлгач бироз муддат танаффусда бўлганди. Аммо, 2014 йил май ойида илк яккахон концерт дастурини тақдим этиб, ижодини давом эттиришини мухлисларига маълум қилди. Бир кунда икки марта концерт дастури намойиш этган Мадина янги қўшиқлари билан бирга, мухлислари учун қадрли тароналарини ҳам куйлаб, аксарият қўшиқларини жонли тарзда ижро этган. 

“Болажон” номли илк концерт дастурини муваффақиятли равишда тақдим этган хонанданинг мухлислари бир неча бор концертни интернет тармоғида қачон томоша қилиш имконига эга бўлишлари мумкинлигини сўраб мурожаат этишибди. Бугун ана шундай имконият сизга тақдим этиш истагидамиз. Мадина Мумтознинг “Болажон” номли илк яккахон концерт дастурини сайтимиз орқали томоша қилиб, дилтортар тароналар ва жонли ижродан баҳраманд бўлинг.