“Ёлғон дунё” драма фильми учун Юлдуз Усмоновадан саундтрек премьераси

Февраль ойининг ўрталарида катта экранларга чиқиши режалаштирилган “Ёлғон дунё” кинофильми кўпчилик кино иҳлосмандларини қизиқтираётгани аниқ. режиссёр Равшан Усмоновнинг илк катта лойиҳасидир. Ёш ва истеъдодли  Равшан Усмонов бир нечта фильмларда иккинчи режиссёр сифатида фаолият юритган, аммо бу фильм унинг илк катта лойиҳаси.

Шунингдек ижодкор мазкур фильм учун ҳам ўзи сценарий ёзган.  “Ёлғон дунё” ўткир сюжетли драма жанрида суратга олинган бўлиб, фильм ҳаётий воқеаларга асосланган ҳолда яратилган. 

 

Фильмда бир қатор таниқли актёрлар ансамбли жамланган бўлиб, жумладан Теша Мўминов, Ботир Муҳаммаджонов, Хожакбар Комилов, Мирза Азизов каби эл суйган актёрлар иштрок этишган. Ёш ижодкорлардан эса хонандалик ва актёрлик борасида ўз истеъдодини намойиш этиб улгурган Отабек Муталхўжаев, Каниза ҳамда ёш актриса Саида Саидбекова бош ролларни ижро этишган. 

 

Фильмни таниқли оператор Баҳром Бердиев тасвирга туширган. Суратга олиш ишлари Тошкент шаҳри ва Бекобод туманларида олиб борилган. 

Айтиб ўтишимиз лозим, “Ёлғон дунё” драма фильмида таниқли устоз санъаткор Юлдуз Усмонованинг “Дунё” қўшиғи саундтрек сифатида янграйди. Шуни ҳам таъкидлаш жоиз ҳалқ куйчиси бўлган бу санъаткор ҳали ҳеч қайси бир фильмга саундтрек айтиш учун розилик бермаган экан. Бугун эса сайтимиз орқали мазкур фильмга ишланган саундтрекни тақдим этмоқдамиз.