''Hand Made in Uzbekistan'' анъанавий санъат фестивали барчага байрамона кайфият улашди
17-18 январь кунлари Миллий санъат галереяси ''Hand Made in Uzbekistan'' анъанавий санъат фестивали иштрокчилари, санъат ихлосмандлари ва пойтахтимиз меҳмонларига ўз эшикларини очди. Икки кун давом этган мазкур фестивалда юртимизнинг барча вилоятларидан ташриф буюрган 150дан ортиқ ҳунарманд усталар ўз махсулотларини ҳалқимизга намойиш этдилар.
Йигирмадан зиёд халқ ҳунармандлиги йўналишларида тақдим этилган ижод намуналарининг ҳар бири бетакрор ва экслюзив маҳсулотлар бўлиб, ҳунармандлар ўз ишларини кўргазмага қўйиш баробарида уларни сотиш имконига эга бўлдилар. Каштачилик, гиламчилик, ёғоч ўймакорлиги, заргарлик, адрас тўқиш, миниатюра санъати усталари томонидан қўл меҳнати билан яратилган ноёб маҳсулотларни томоша қилган кўргазма меҳмонлари қўли гул ҳунармандлар билан яқиндан танишиб, уларнинг ижод жараёнига гувох бўлишди.
Фестивалда нафақат ҳунармандлар, балки турли вилоятлардан ташриф буюрган фольклор гурухлар ҳамда куғирчок театрлари жамоалари ўз томошалари билан барчага байрамона кайфият улашишди.
Хоразм кугирчок театри рахбари Мансур Курязов:
- Мен бу фестиваль ташкилотчиларидан бенихоят миннатдорман. Хар бир лойихада мен учун мухими чин дилдан ёндошиш. Режиссёр сифатида хар бир спектакль юракдан тайёрланганми ёки йук, буни сезаман. Бугунги кургазмадаги хар бир ашёлар, кул мехнати ишларида усталарнинг калби парчаси жо этилган. Ташкилотчилар эса жон дили билан ишлашмокда, мен бунинг гувохиман.
Фестивалнинг иккинчи куни давом этаркан, оммавий ахборот воситалари ходимлари учун матбуот анжумани ўтказилди. Унда фестиваль ташкилотчилари ҳамда кўргазмада иштирок этган усталар матбуот ҳодимлари томонидан берилган саволларга жавоб йўлладилар. ''HandMade.uz'' фестивали доирасида фарфор устаси Рустам Якубовнинг шаҳсий кўргазмаси тақдимоти ўтказилди. Матбуот анжуманидан сўнг кўргазма иштрокчилари бўлган дизайнерларнинг миллий либослар кўргазмаси бўлиб ўтди. Қолаверса, фестиваль ғолиблари турли йўналиш буйича диплом ва эсдалик совғалари билан тақдирландилар. Совриндорларни таниқли эстрада юлдузлари мукофотлаб, ўз қўшиқлари билан кечага файз киритишди.
Анъаналарни тиклашдаги ҳизматлари учун нуроталик каштачи Турақулова Руҳсорой.
Анъаналарни ижодий талқини учун ёғоч ўймакори Валиев Қаҳрамон.
Ўзига ҳос ғояларни қўллагани учун “батик” усулида матога гул босиш устаси Пучковский Владимир.
Анъанавий санъатга инновацияни киритганлиги учун Ольга Кочубей.
Анъаналарни сақлаш ва ривожлантириш учун кулолчилик санъати бўйича Нарзуллаевлар оиласи.
Замонавий дизайнда миллий анъаналарни ифода этгани учун Асомова Маҳбуба.
Анъаналарни замонавий талқинда тарғибот этганлиги учун кқўғирчоқ устаси Мансур Курязов.
Эъзоз анъанавий санъатда кўп йиллик ижодий фаолияти учун Мирзаҳмедова Муборак.
Қадимги миллийлигимизни янги талқини учун риштонлик уста Назиров Баҳтиёр.
Анъанавий миниатюранинг замонавий талқини учун Ҳоджиматов Баҳодир.
Юқорида қайд этилган йўналишларда тақдирланган ҳунармандларни муборакбод этган таниқли санъаткорлар Рашид Ҳолиқов, Шаҳзода, Лола, Нилуфар, Ҳосила Раҳимова иштрокида гала концерт бўлиб ўтди.
''HandMade.uz'' Миллий санъат фестивали таъассуротлари ҳали узоқ вақт ҳотираларда сақланиб қолади. Илк бор ўтказилган бу катта лойиҳа тез орада бизни яна ўз бағрига чорлайди. Санъатимизга ўз ҳиссасини қўшаётган ҳар бир ижод тури вакилларига муваффақиятлар тилаб қоламиз.
