Ўзбек кино оламида яна бир драма суратга олинмоқда
Янги йилни янги ижод билан бошлаган бир гуруҳ ижодкорлар ҳаво совуқ бўлишига қарамасдан шу кунларда суратга олиш майдонида меҳнат қилишмоқда. "Кўз ёшим" номини олган картина ҳаётий сюжет ва маҳоратли актёрлар жамланмаси туфайли омадга эришиши турган гап.
Драма жанридаги фильмнинг режиссёри Озод Шамс. Қарийб бир ҳафтадан буён олиб борилаётган картинанинг бош продюсери Руслан Мирзаев бўлиб, унинг айтишича, бу фильм албатта ҳар бир томошабин учун ўзига хос янгилик бўла олади.
Суратга олиш ишлари қизғин давом этаётган айни кунларда ижодкорлар бир ғоя асосида тинимсиз картина мукаммал чиқиши учун ҳаракат қилишмоқда.
Оператор Умид Маликов томонидан тасвирга олинаётган фильмда халқимизнинг севимли актрисаси Саида Раметова, "Эътироф 2014" соҳибаси Асал Шодиева, шунингдек, Барно Қодирова, Шавкат Комилов каби профессионал ижодкорлар бош ролларни талқин қилишмоқда.
Суратга олиш жараёнидан олинган фотосуратларни томоша қилсангиз, картина ўткир сююжетга эгалигини ҳис қилишингиз мумкин.
