Отабек Муталхўжаев янги альбомининг тақдимоти аъло даражада ўтди.

«Ниҳол» мукофоти совриндори Отабек Муталхўжаев кўп йиллик меҳнати самараси сифатида янги «Дунё учун севма мени» деб номланган альбомини тақдим этди.

Пойтахтимиздаги шинам караоке клубларидан бирида ташкил этилган мазкур тақдимот маросимига хонанданинг яқинлари, шоу-бизнес олами вакиллари, Отабек Муталхўжаев фан-клуб аъзолари, Оммавий Ахборот Воситалари вакиллари таклиф этилди.

Бизга маълум қилишларича, Отабек Муталхўжаев анчадан буён ўз яқинлари ва дўстларини бир жойга тўплашни, улар билан дийдорлашишни дилига тугуб қўйганди. 2-декабрь куни унинг бу мақсади амалга ошди.

Янги «Дунё учун севма мени» альбомидан Отабек Муталхўжаевнинг 2005-йилдан 2013-йилгача яратган тароналари жой олган. Умумий ҳисобда 50 та қўшиқ, шунингдек, 30 та клип жойлаштирилганлиги маълум қилинди. Шу тариқа, Отабек Муталхўжаев ўз ижодининг сарҳисобини тақдим қилди дейиш мумкин. Хонандага кейинги ижодларида ҳам омад ёр бўлишини, мухлислари сони ортишини тилаймиз!