Азиз Ражабий клип тайёрламоқда

Хонандалар орасида ўз йўналиши ва санъатига эга санъаткор Азиз Ражабийнинг ''Бир-бир икки'' таронаси учун видеоклип тасвирга олиниши режалаштирилаётгани ҳақида хабар бергандик. Аммо, клип ижодкорлари маълум сабаблар билан суратга олиш ишларини ортга суришга мажбур бўлишди.

Аввало қўшиққа тўхталадиган бўлсак, "Бир- бир икки" таронасининг матни Нодир Азимов қаламига мансуб. Мусиқа муаллифи Фарруҳ Бадалбоев, аранжировка устаси эса Жасур Бадалбоевдир.

Аслида бу тарона радиотўлқинлар орқали тингловчиларга манзур бўлиб, айнан мухлислар таклифи билан унга клип яратиш фикри уйғонган.

Видеоклип суратга олиш жараёнида бош роль ижрочиси ва операторлик вазифасини Наримон Султонхўжаев бажарди. Азиз Ражабий бутун ижодий жамоа совуқ кунга қарамай, ҳамжиҳат бўлиб ишлагани учун сайтимиз орқали ижодкорларга чуқур миннатдорчилик билдиради. 

Уч кунлик тасвирга олиш ишлари якунланиб, монтаж ишлари бошлаб юборилди. Тез кунда янги видеоклип намойишини ўтказиб юборманг.