“Тушларимга киринг Отажон”... кутилган тарона Сардор Раҳимхондан

Бугун “Ўзбегим таронаси” радиосининг премьера лойихасида Ўзбекистонда хизмат кўрсатган артист Сардор Раҳимхоннинг навбатдаги ижодидан ўрин олган янги композиция жаранг сочиб хонанда янги тарона учун таниқли санъаткор Далер Назаров ижодидан  фойдаланган.

Бунинг учун Сардор шахсан Далер Назаровнинг руҳсатини олди ва матн устида шоир Бобур Бобомурод билан бирга ишлади. Мусиқага Аҳмад Ҳожиматов янгича сайқал берган бу тарона ўзбек тилида “Тушларимга киринг Отажон” дея номланди.

Сардор Раҳимхоннинг айтишича, қўшиқ оригинал вариантидан кескин фарқ қилади ва мазкур тарона ҳам “Ишонмайман”, “Назар-назар” каби хит даражасига кўтарилишига ишонади. Отасининг ёрқин хотирасига бағишлаб ижро этган янги қўшиғи унинг каби ота меҳрини соғинган инсонлар қалбига малҳам бўлади, деган ниятда яратган.

“Тушларимга киринг Отажон” учун албатта видеоклип суратга олинади. Аммо, айни вақтда қайси клипмейкер билан ҳамкорлик қилиши ҳақида аниқ тўхтамга келмаган Сардор Раҳимхон клип албатта оталарни улуғловчи маънога эга бўлиши ва томошабинларни таъсирлантира оладиган даражада яратилишини маълум қилди. Мазкур таронани сайтимиз орқали тинглаб сиз ҳам баҳо беринг.