Шаҳзода мухлислари учун янги қўшиқ ва видеотуҳфа тайёрламоқда

Эстрадамизда кетма-кет янгидан-янги ижод намуналари билан мухлисларга тақдим этаётган Шаҳзода шу кунларда янги альбом яратиш устида иш бошлади. 

Айни вақтда истеъдодли ижодкорлар Сарвар ва Комил билан ҳамкорликда тайёрланган таронага видеоклип суратга олиш ишлари олиб борилмоқда. "Айриламиз" дея номланган қўшиқнинг матн муаллифи Комил Фозилов бўлса, мусиқасини Сарвар Азимов басталаган. Бу қўшиқ 3-декабрь куни "Ўзбегим таронаси" радиоси орқали соат 18:20 да премьера сифатида илк марта мухлислар эътиборига ҳавола этилади. 

Шу кунларда эса клипнинг сюжет қисмини суратга олинмоқда. ёш актёрлар жамоаси иштирок этаётган видеонинг тайёрланишида ҳам Сарвар ва Комил бош-қош бўлишмоқда. Клип маҳоратли оператор Беҳзод Пўлатов томонидан тасвирга олинмоқда. 

Клип суратга олиш жараёнидан олинган бир неча фотосуратларни эътиборингизга ҳавола этамиз. Видео ҳақида батафсил маълумотлар тез кунларда сиз томон етказилади.