Умидахондан янги тарона

Эстрадамизнинг энг қувноқ хонандаси Умидахондан янги қўшиқни қарши олинг. Бугун “Ўзбегим тарнаси” радиоси орқали илк бор янграган таронадан бири айнан Умидахон ижодидан эди.

“Вой ей” номли шўх ва замонавий руҳда яратилган қўшиқ премьера дастури орқали тингловчиларга тақдим этилди ва унга мухлислар томонидан илиқ фикр-мулоҳазалар билдирилди.

Асосан ёш тингловчиларга манзур келадиган йўналишда яратилган Умидахон ижросидаги янги тарона ўз мухлисларини топиши аниқ. “Вой ей” деб номланган қувноқ кайфиятдаги мазкур қўшиқнинг сўзи, мусиқа ва аранжировкаси муаллифи серқирра ижодкор Бобур Умаровдир.

Мухлисларига ҳушнудлик бағишлаш ниятида яратилган қўшиқ Умидахон ижодидан алоҳида ўрин эгаллаб, аввалги тароналари каби хит даражасига кўтарилади, деган умиддамиз.

Қолаверса, янги “Вой ей” таронаси учун ҳам антиқа видеоклип яратилиши режалаштирилаётганидан хабар топдик. Бу ҳақда кейинги хабарларимизда тўлиқ маълумотлар бериб борамиз. Кузатиб боринг.