Улуғбек Раҳматуллаевнинг концерт дастури кутилганданда аъло ўтди

Бугун ''Истиклол'' санъат саройи хар доимгидан-да гавжум. Концерт томошасига келган санъат ихлосмандлари сони аввалгиларига караганда айтарли даражада ортикки, бундан дастур мезбони Улугбек Рахматуллаевнинг мухлислари шу кадар куплигини билишимиз мумкин.

Зал томошабинлар билан тулган ва пардалар кутарилишини нигохлар билан кутишмокда. Мусиқа садолари остида зарпардалар юқорилаб, сахнада раққосалар кўринди. ''I love you'' таронаси дастурнинг илк қўшиғи бўлиб, қўғирчоқ ва қизалоқлар образидаги раққосалар саҳнани рақслари билан жонлантириши билан унинг марказида Улуғбек Раҳматуллаев пайдо бўлди.

Саҳна декорацияси алохида таърифга лойиқ. Катта монитор, ёрқин ва ранг-баранг чироқлар кузни кувонтиради. Улуғбек қўшиқнинг илк сатрларини куйлаши билан мухлислари олқишлаб қарши олишди. Иккинчи, яъни ''Жоним'' қўшиғидан сунг хонганда ташриф буюрган мухлислар, томошабинлар билан саломлашиб, доимий мухлисларга ташриф учун миннатдорчилик билдирди, фан клуб аъзоларига алохида рахмат айтди.

Навбатдаги таронани куйлашидан аввал яқиндагина бир инсон унга айтган сўзларни эслади: ''Қўшиқнинг эскиси ёки янгиси булмайди, қўшиқнинг яхшиси ва ёмони булади'' Бу сузлар бекорга ёдга олинмагани ва ''Жоним'' қўшиғи эски қўшиқ бўлса-да, уни бугун жонли тарзда ижро этишини таъкидлаб ўтди.

 

Жонли ижрони маромига келтириб куйларкан, мухлислари унга жўр булишганидан севинчини яширмади. Кейинги шўх оҳангларга бой ''Назира'' номли сурхонча қўшиқ учун Улуғбек бастакор Икбол Мухаммаджоновга ўз ташаккурини билдирди.

 

''Санам'' рақс гурухи қизлари эса шўх янги таронага хос сурхонча рақслари билан завқ бағишлашди. Келгуси қўшиқ учун шоирга алҳхида рахмат айтди ва болалик хотираларини ёдга олди. Ёшлик хакидаги тарона янграр экан, мониторда қўшиқ мавзусига мос тасвирлар акс эттириб борилди. Қўшиқдан сўнг ''Вақт олий хакам... агар бу тарона билан ёшлигингизни эслатган булсам нихоятда хурсандман'', деди.

 

''Аввалги концерт дастурларимдан сўнг менга нима учун шу кушигингни айтмадинг, деб куп сўрашган. Бу тарона анча аввал ижро этилган булса-да, калбингиздан жой олган экан, багоятда мамнунман'' дея ''Кўзларингга қараб жоним'' номли шух кушигини куйлади ва раккосалар сахнада хиром айлашди.

 

Сунгра, Улугбек Рахматуллаев бугунги унинг учун энг кувончли кунда ташриф буюрган хамкасблари, дустлари билан таништириб чикди. Узига якин дуст сифатида курадиган актриса Халима ва хонандалар Дилсуз, Шахзода, Гули Асалхужаева, Манзура, Абдурашид Йулдошев, Достон Убайдуллаевларни хар бирини алохида таърифлаб утди.

 

Сунгра сахнада Даврон Кабулов таклиф этилди ва бу ижодкор пайдо бўлиши билан уларнинг узаро хазил мутойибалари бошланиб кетди. Гўёки импровизация. Томошабинлар эса мазза қилишди. Билан бироз сухбатлашгач, Улугбек сахна ортига утди. Даврон Кабулов эса вактдан фойдаланган холда, келган мехмонларга Улугбекнинг клиплари аслида шундай булиши керак эди, деган хазил билан тайёрланган пародияларни мониторда намойиш эттирди. ''Чакалоклар'', ''Кабутарлар'', "Сенсиз яшай оламан'', ''I love you'' кушикларини кулгили равишда тасвирга олингани томошабинларга табассум багишлади.

Улугбек ''Чакалоклар'' таронасини хам жонли ижро этгани тахсинга лойик булди. ''Эй юрак'' номли янги кушикни куйлашидан аввал эса бу тарона юрагига жуда яканлигини алохида эътироф этиб утди. Мазкур тарона учун шоир Нодир Азимовга миннатдорчилик билдирди ва мазкур кушикка тез орада клип яратиш ниятида эканлигини ҳам айтиб утди. Навбатдаги ''Жоним'', ''Бемор'' кушиклари ижроси давомида бутун зал Улугбекка жур булиши билан бирга раксга тушишди. 

 

Навбат дуэт таронага етиб келди ва сахна марказидан Жахонгир Позилжонов пайдо булди-ю, шух замонавий йуналишда ''Ёримей'' дуэтини куйлашди. Ижродан сунг Улугбек бу дуэт Жахонгирнинг ғояси асосида яратилганини таъкидлаб утди ва сахнада иккиси узаро хазил мутойиба аралаш сухбатлашаркан, уларнинг самимий муносабатини сузларидан сезиш кийин булмади.

 

''Омадим келмади'' кушигим нафакат катталарга, балки кичкинагина болажонларга хам манзур келиши ажаблантирди, деди.

Навбатдаги барчага таниш ва кадрли булиб улгурган ''Кабутарлар'', "Лайлойимсан'', "Бемор'' хит кушикларини Улугбек мутлако жонли равишда ижро этди ва хатто залга тушиб мухлислари билан бирга куйлади.

Сахнада яна Даврон Кабулов пайдо бўлди. Даврон бевосита томошабинлар билан уйин ташкил килди. Сахнага таникли инсонлардан Достон Убайдуллаев ва томошабинлардан вакиллар таклиф этилиб ажойиб ва кулгули шартлари билан голиб аникланди ва Улугбек Рахматуллаев номидан чангютгич такдим этилди.

 

 

Учинчи блок бошланишида Улугбек фарзандлари хакида тулкинланиб сузларкан, кизалогига атаб ''Кизим'' номли кушик яратганини ва бунинг учун шоир Нодир Азимовдан миннатдорлигини айтди. Сахнада ''Зиё'' ракс дастаси кизалоклари шух ракслари билан кузни кувонтиришди. 

''Бевафо'' таронасига томошабинлар ракси тинмаган булса, кейинги хоразмча кушикка хатто Достон Убайдуллаев ва Абдурашид Йулдошевлар хам раксга тушишди.

 

Якиндагина премьера этилган ва мухлислар кунглидан жой олиб улгурган ''Тошкентда бугун ёмгир ёгар'' кушигига бутун зал жур булиб, мониторда ёмгир остидаги Тошкент кучалари акс эттирилган кадрлар намойиш этилди.

 

Улугбек ''Мени кечир'' кушигини хам жонли ижрода куйлади. Финал. ''Ватан'' таронаси томошабинлар калбини тулкинлантириб юборди, буни мухлислар олкиши кучлилигидан билиш мумкин эди. Сахнага бутун ижодий гурух ва раккосалар чикиши билан дастур нихоялагани маълум буларкан, юкоридан ранг-баранг тасмалар тушиб янада байрамона кайфият ва завк багишлади. Улугбек мухлислари, фан клуби ва у билан ёнма-ён ишлаган, концерт давомида куллаб-кувватлаган ижодий гурух аъ'золарига ташаккурини билдирди ва хайрлашди.

 

 

Концерт кутилганидан аъло даражада якунига етди. Аввало Улугбекнинг сахнада узини эркин тутиши, дастурни мухлислари билан бемалол мулокотлашган холда давом эттириши унинг ютуги десак, бир катор кушикларини жонли равишда ижро этгани унинг профессионал нуктаи назаридан анча юксалиб бораётганини эътироф этишимиз жоиз. 

Дастурнинг энг кулминацион нуктаси иккинчи блок давомида жаранг сочган ''Рахмат сизга'' номли ота ва оналарга багишланган кушик ижроси булди, десак хато булмайди. Мониторда намойиш этилган ролик эса кушик учун яратилган махсус фильмдек таъсирлантирди. 

Узбекистон халк артисти Рушана Султонова бошчилигидаги ''Санам'' ва ''Зиё'' ракс гурухи кизлари сахналаштирган раксларлар концерт давомида куй-кушикларга хамоханглик багишлади.

Улугбек Рахматуллаев концертнинг илк кунини муваффакиятли утказгани билан тулаконли табрикласак булади. Сабаби, бугунги дастур хакикий маънода Улугбекнинг мухлислари учун катта байрамга айланди. Хар бир тарона ва ижро юксак махорат, катта тайёргарлик ва мехнат махсули экани далолатидир. Яна икки кун давом этажак дастурлар бундан-да ёркин таъссуротларга бой булади, деб умид киламиз.