Шарқ гуруҳидан янги йил байрамига муносиб туҳфа

Маҳоратли ижодкорлардан иборат бўлган Шарқ гуруҳи вакиллари яқинлашиб келаётган янги йил байрами олдидан мухлисларини хурсанд қилиш истагида байрамона туҳфасини намойиш қилишди. Роппа-роса бир йил муқаддам гуруҳ ижодкорлари “Новый год” номли қўшиғиги халқимизга совға сифатида тақдим қилишган эди. Бу қўшиқ кўпчиликнинг қалбидан муносиб жой эгаллагани сабабли, улар жорий йилда таронанинг ўзбек тилидаги талқинини ҳам тайёрлашга киришишди ва ушбу композицияни бугун  юртимизнинг етакчи радиотўлқинлари узра халқимиз ҳукмига ҳавола қилишди. Азиза Низамова сўзи билан яратилган мусиқий асарнинг куйи ва аранжировкаси Зарина Расуловага тегишли. Клипмейкер эса Андрей Арутюнов.