Юлдуз Турдиевадан ёқимли янгиликлар ва навбатдаги фотосессия

Элимиз ардоғидаги санъаткор, Ўзбекистонда хизмат кўрсатган артист Юлдуз Турдиева кузнинг совуқ кунларига қарамай, навбатдаги лойиҳалари устида олиб борилаётган ишларни якунламоқда. Улардан бири “Болажонлар” номли қўшиғи учун суратга олинган клипдир. Клипмейкер Шуҳрат Мавлонов режиссёрлигида тасвирга туширилган видео асар тез кунларда халқимиз ҳукмига ҳавола этилади.

Шунингдек, у яна бир янги “Шайдо” номли таронани ҳам ёзиб тугаллади. Мазкур қўшиқ Азиз Турдиев сўзи, Нодир Ҳафизов аранжировкаси билан яратилди. Мусиқасини эса хонанданинг ўзи басталаган. Яқин кунларда бу композиция ҳам радиотўлқинлар орқали ўз жарангини сочади. Бу ҳали ҳаммаси эмас. Юлдуз Турдиева юқоридаги янгиликлар билан бирга, навбатдаги фотосессиясини ҳам сайтимиз орқали намойиш қилмоқда. Марҳамат томоша қилинг ва сўнгги  ижод маҳсулларини кутиб қолинг.