Умар Шамсиев “Жанона” қўшиғига янги видеоклип тасвирга олдирди

Хушовоз хонанда Умар Шамсиев Ўзбекистон ва Қорақолпоғистон Республикасида хизмат кўрсатган артист Азим Муллахоновнинг репертуаридан бўлган “Жанона” қўшиғини янгича талқинда куйлаб, мухлислар эътиборига ҳавола қилган эди. Бу қўшиқнинг янгича талқини мухлисларга манзур келгани боис, хонанда шу таронага видеоклип тасвирга олдиришга қарор қилди. Умар Шамсиевнинг берган маълумотларига қараганда, мазкур композицияга воқеали трек жанрида клип тасвирга олинган. Унинг режиссёри ёш ва истеъдодли ижодкор Ихтиёр Туляганов.

Сизга мазкур  қўшиққа ишланаётган клипнинг тасвирга тушириш жараёнидан фотосуратларни тақдим қиламиз. Тез кунда эса клипни бизнинг сайтимизда биринчилардан бўлиб томоша қилишингиз мумкин.

Эслатиб ўтамиз, Бобур Бобомурод сўзи билан яратилган бу таронанинг мусиқаси Фаррух Бадалбоев ва Азим Муллахонов томонидан басталанган. Аранжировкаси устида Фаррух Бадалбоев ишлади.