Ёдгор Мирзажонов “20 йил” номли саундтрекни тақдим қилди

"Ниҳол" мукофоти совриндори Ёдгор Мирзажонов режиссёр Акром Исоқовнинг “96 соат” сериалида бош қаҳрамон ролини ижро этди. Бу ҳақида аввалроқ маълумот берган эдик. Айнан шу сериалга Ёдгор Мирзажонов ижросида саундтрек ишланди. Қўшиқ "20 йил" деб номланиб, радиотўлқинлар орқали жаранг сочган эди. Тарона сериалнинг мазмун - моҳиятини  ифода этади. Мусиқа муаллифи, бастакор Бобур Мадалиев, сўзи шоир Аҳад Қаюмга тегишли.Фалсафий талқиндаги “20 йил” қўшиғининг мусиқий сайқали Адхам Абдураимов томонидан бажарилган. “96 соат” сериали тез кунда томошабинлар ҳукмига ҳавола этилади.