Миржон Ашрапов алдандими?
Ёш бўлишига қарамай, ўз устида тинмай ишлаётган Миржон Ашрапов айни дамда қатор лойиҳалар устида иш олиб бормоқда. У ўзининг навбатдаги композициясини бугун “Ўзбегим Таронаси” радиоси орқали тақдим қилмоқда. “Алдама” деб номланган мазкур мусиқий асар мухлислар томонидан илиқ қарши олинди. Бу қўшиқнинг сўзи Бобур Бобомурод қаламига мансуб. Мусиқаси ва аранжировкаси устида Фарруҳ Бадалбоев иш олиб борган. Таронага видеоклип тасвирга тушириш режалаштирилган.
Янги тароналар ва клиплар яратишдан ташқари у янги йилга бағишланган Ўзбекистонда биринчи марта ташкил этиладиган оилавий мюзиклда иштирок этмоқда. Бу ҳақида кейинги янгиликларимизда батафсил хабар маълумот берамиз. Ҳозир эса Миржон Ашрапов ижросидаги “Алдама” таронасини тингланг ва баҳо беринг.