Фм 101.5 "Гранд" радиосида ҳам "Сумалак шоу" бўлиб ўтди
«Сумалак сайли» халқимизнинг узоқ тарихга эга миллий қадриятларидан саналади. Аждодларимиз уни асраб-авайлаб, авлоддан авлодга ўтишини таъминлаб келган ва авлоддан авлодга ўтиб келган. Куни кеча биринчи мусиқий тўлқин Фм 101.5 "Гранд" радиосида ҳам "Сумалак шоу" бўлиб ўтди. "Гранд" радиосининг Бош мухаррири Иброҳим Аҳмедов бошчилигида фан клуб аъзолари Элмурод, Даврон ва Нодирахонлар мазкур тадбирнинг ташкилотчилари сифатида қатнашиб йиғилганларга қувонч улашишди.
Тадбирга янада жўшқинлик улашиш учун эстрадамизнинг ёрқин юлдузлари Даврон Эргашев, Манзура, Нилуфар, "Уммон" гуруҳи йигитлари, Дилсўз, Улуғбек Раҳматуллаевлар таклиф этилди. Санъаткорлар ўзларининг дил сўзлари, айнан шу радионинг иш фаолиятига бефарқ эмасликларини айтиб шўх тароналари билан барчани рақсга чорлашди.
Айтиб ўтиш жоиз "Гранд" радиоси ва унинг фан клуб аъзолари биргаликда жуда кўп тадбирларни амалга ошириб жумладан "Сумалак шоу"ни ҳам бу йил 5 маротаба ўтказаётган эканлар. Албатта уларнинг дўстлигига ва содиқ фан клуб аъзоларининг жипслашиб бунақанги ҳайрли ишларни амалга ошираётганларига тасанно айтиш мумкин.
