Фурқат Рўзматовдан “Севги” клип премьераси
Санъат оламига қадам қўйганига кўп вақт бўлмаса-да, ўз ижоди билан эл назарига тушиб бораётган хонанда Фурқат Рўзматов яқиндагина ўзининг янги “Севги” номли ижод намунасини “Ўзбегим таронаси” радиоси орқали премьера этганди.Шеъри Низомиддин Мўминов, мусиқаси ва аранжировкаси Элмурод Мирдадаевга тегишли бўлган мазкур тарона тингловчилар томонидан илиқ кутиб олинганди. Бугун эса эътиборингизга ҳавола этилаётган видеомаҳсулот айнан шу таронага ишланган бўлиб, унинг яратилишида Нозим Толипов режиссёрлик вазифасини бажарган.
Сюжет йўналишида суратга олинган видеоклипда бош ролларни Элбек Файзиев ва Мадина Файзиевалар ижро этишган.
Режиссёр Нозим Толипов ғояси билан тасвирга олинган клип таронанинг мавзусига мос, яъни ўз севгисига жавоб ололмаган йигитнинг дардини ифодалаб, айрилиқни акс эттирувчи сюжетни ўзида қамраган. Марҳамат, Фурқат Рўзматов ижодидан ўрин олган навбатдаги видеоклипни томоша қилиб, ўз фикрларингизни билдиринг.